Youtube лансира нов музички канал

Американскиот Интернет сајт за размена на видео материјали „Јутуб“ лансираше нов музички канал кој што им овозможува контакт на Интернет корисниците со омилените музичари.
Каналот„Ливинг Леџендс“ им овозможува на Интернет корисниците да поставуваат прашања на музичките групи и пеачи, кои што пак се повикани своите видео материјали да ги поставуваат на „Јутуб“.
Најинтересните прашања ќе добијат и видео одговори, кои што ќе бидат поставени на сајтот после неколку недели.
Прва група која што ќе учествува на тој канал ќе биде „Ролинг Стоунс“, а повод е документарниот филм на Мартин Скорсез посветен на таа група под наслов „Нека биде светлост“, пренесуваат француските медиуми.