Ромарио: Имав секс во авион, а фудбал играв подобро од Пеле

Бразилската фудбалска ѕвезда 42-годишниот Ромарио продолжува да ја забавува јавноста со своите медиумски настапи. Пет дена по прекинувањето на својата фудбалска кариера, Ромарио гостувал во познатата емисија „фантастико“ на ТВ каде што открил многу занимливости.
Во текот на емисијата Ромарио нагласил неколку пати дека е подобар фудбалер од Пеле и признал дека имал секс во авион после еден натпревар на бразилската репрезентација.
„Никогаш не сум гледал како Пеле игра фудбал, меѓутоа мислам дека сум подобар од него. Само еден е Пеле, само еден е Марадона, но и Ромарио е само еден. Во внатрешниот простор на стадионот не е имало подобар играч од мене. Не го фледам својот наследник“, рекол расположено Ромарио.
Ромарио својата кариера ја започнал во 1985 год. во клубот Васко Де Гама и за истиот клуб го одиграл својот последен натпревар. Во својата кариера има постигнато повеќе од 1000 голови.