До 2020 година компјутерите и луѓето ќе станат едно

Во иднина ќе дојде до значајно „зближување“ на луѓето и на компјутерите и до важни технолошки подобрувања познати како човечко-компјутерска интеракција, истакнуваат од таборот на софтверскиот гигант „Мајкрософт“.
Овој извештај компанијата го објави под наслов „Да се биде човек: човечко-компјутерска интеракција во 2020 година“ и може да се прочита на интернет-адреса http://research.microsoft.com/hci2020/default.html. Извештајот е составен на база на отворена дискусија меѓу 45 научници кои расправале за компјутери, наука, социологија и психологија. Во него се предвидува какви промени ќе донесе моменталниот развој на технологија во областа на интеракција меѓу човекот и машините во периодот до 2020 година.
Според објавените податоци, поимите работна машина и корисник ќе станат непотребни, со оглед на тоа дека компјутерите и луѓето ќе се зближат речиси до соединување. - Во 2020 година компјутерите ќе може да предвидат што бараме од нив - гласи едно од предвидувањата во објавениот извештај од моќната софтверска компанија. Тастатурата, компјутерското глувче и мониторот во целост ќе бидат заменети со поинтуитивни облици на интеракција со компјутер, како машини со екрани чувствителни на допир и технологија на препознавање на говор и слично.