Рекордни цени на струјата во Европа
Франкфурт, 11 април (МИА) - Цената на електричната енергија на европските пазари се покачија на рекордно ниво, што значи дека е можно зголемување на трошоците за потрошувачите и индустријата на „стариот континент“, истовремено со забавувањето на стопанскиот раст.
Во Германија, најголемиот европски пазар на електрична енергија, мегават-часот за терминска испорака во 2009 вчера поскапе за 1,2 отсто на рекордни 65,50 евра, а рекорд е постигнат и на други пазари во Европа.
Така во Франција, вториот по големина европски пазар на струја, цената на мегавар-час за терминска испорака во 2009 се зголеми за еден отсто на 67,55 евра, додека во Холандија, која е нето увозник на струја од Германија, поскапе за 1,4 проценти на рекордни 70,55 евра.