Google ќе се бори против детска порнографија

Инженерите од „Гугл“ го приспособиле софтверот на пребарувачот за да може да се вклучи во лоцирањето и фаќањето на педофилите што се онлајн. Со тоа, „Гугл“ ќе ја донира својата помош на Националниот центар за исчезнати и малтретирани деца.
Новото софтверско решение на „Гугл“ првично е изработено за откривање и за блокирање на видеосодржините на услугата „јујтјуб“ заштитена со авторски права, но сега ќе се користи за откривање на педофилските содржини од интернет. Програмата на „Гугл“ користи напредни алгоритми со кои може да се идентификуваат педофилските содржини на интернет.
Застрашувачки е податокот што од 2002 година до денес Центарот за исчезнати и малтретирани деца открил повеќе од 13 милиони слики и видеоклипови со педофилски содржини.