Нови радикални решенија во Ферари

Иако првата европска трка е за нешто помалку од две седмици, патеката Каталуња крај Барселона е веќе окупирана од тимовите кои по едномесечното патување на Исток, конечно се враќаат во Европа.

Нови радикални решенија во Ферари Ferari(1)

Ферари го тестира новиот нос на болидот кој е карактеристичен по тоа што на горниот дел, каде што е испишана бројката по која возачот се распознава, има вдлабнатини кои наликуваат на обликувани шуплини и се гледаат само од птичја перспектива. Идејата е носот да работи и на случајот за подигање на воздушните струења, кои низ канал доаѓаат до носот, а потоа излегуваат пред компонентите од предната суспензија.
Се проценува дека ова решение има и негативен учинок на почетокот од предното крило, но другите подобрувања предничат: понизок притисок под носот, што донесува полесно струење околу него, а потоа се насочува и нагоре.

Сепак, овој нос беше најавен од страна на неделникот Аутоспринт уште пред 10 седмици, заедно со некои технички цртежи, а од Ферари тврдат дека само мал број луѓе знаеле за проектот, па сега спроведуваат интерна акција за откривање на оној што им се доверил на медиумите. Имајќи предвид дека лани Ферари успеа да ја убеди ФИА дека Мекларен кој имал нивни податоци ги злоупотребил, нема да биде неочекувано полицијата сега да затропа и на друга врата...
Рено тестира со нови средишни крила, клако и идентичен поклопец на моторот како Ред Бул, додека во Мекларен им посветуваат време на гумите за 2009 година (слик) па возат со такво штелување на болидот (рамен заден спојлер). На првиот ден, сепак најбрз беше Фелипе Маса со Ферари. За денес е најавено дека и Михаел Шумахер ќе тестира со слик гуми за Ферари, а тестирањата завршуваат во четврток.