XX дена до Еуро 2008

Предмет: XX дена до Еуро 2008 Вто Мар 04, 2008 1:46 am

99 ДЕНА ДО ЕУРО 2008

Последен ден за аплицирање за билети

На 100 дена пред почетокот на Мундијалот голем интерес владее во Европа за билетите на континенталното првенство во фудбал. Вкупно 645.719 љубители на фудбалот аплицирале за билети за натпреварите на австриската репрезентација на Европското првенство, соопшти претседателот на Фудбалската федерација на оваа земја, Фридрих Штиклер. Во Хрватска за 8.020 билети има 120.000 апликации, додека во Полска оваа бројка изнесува трипати повеќе.

Рокот за пријавување истекува вечерва, а ждрепката ќе се одржи в среда или в четврток по што ќе бидат познати имињата на среќните добитници на билети.

За секој играч на ЕП по 4.000 евра на ден

За секој фудбалер што ќе настапи на Европското првенство во Австрија и Швајцарија клубовите ќе добијат компензација од УЕФА по 4.000 евра од ден, соопшти претседателот на Лион, Жан-Мишел Ола. Тој додаде дека оваа сума за следниот континентален шампионат ќе биде дополнително зголемена и ќе изнесува по 5.000 евра на ден.

Задоволство од ваквото решение изрази претседателот на Француската фудбалска федерација, Жан-Пјер Ескалет, кој рече дека Платини наскоро ќе му предложи на Сеп Блатер вакви компензации да има и на Светските првенства.

Супер премии Smile

Виена очекува проблем со сообраќајот

Голем проблем за Австријците во пресрет на првенството е сообраќајот. По поразот од Германија на почетокот од овој месец многу навивачи беа лути на километарските колони и големата мешаница во градот. Со оглед на тоа дека стадионот Ернст Хапел во Виена ќе биде исполнет на сите натпревари од првенството, такви мешаници може да се очекуваат секој трет ден, но министерот за внатрешни работи Гинтер Платер гарантира сигурност.

"Ќе имаме 27.000 полицајци и во сите градови кои се домаќини на натпреварите се спроведуваат вежби. Сите наши гости ќе се чувствуваат добро", нагласи Платер.

Швајцарија без Маргера на ЕУРО

Играчот за врска на швајцарската репрезентација, Ксавиер Маргера поради тешка повреда на коленото ќе го пропушти Европското првенство. Фудбалерот на Осасуна ги скина лигаментите на десното колено на пријателскиот натпревар со второлигашот Еибар и според првите прогнози неговата пауза ќе трае околу една година.

Младиот Швајцарец е еден од најстандардните во националниот тим, а во 2006 година настапи и на Светското првенство во Германија

Амаури ќе добие италијански пасош

Фудбалерот на Палермо, Амаури ќе му биде на располагање на Роберто Донадони за Европското првенство откако неговиот агент Мариано Грималди соопшти дека до 30 април треба да добие италијански пасош. Родениот Бразилец е еден од најдобрите напаѓачи во Серија "А" во последните сезони, но со оглед на тоа што Карлос Дунга не смета на неговите услуги, одлучи да се обиде во Италија.

Засега сигурен во нападот на "аѕурите" за ЕУРО 2008 е само Лука Тони, а во конкуренција за другите места покрај Амаури се уште Касано, Бориело, Џилардино итн.

96 ДЕНА ДО ЕУРО 2008

...............

Рокот за пријавување до 28 мај

Селекторите на 16-те репрезентации кои ќе учествуваат на Европското првенство во Австрија и Швајцарија имаат рок до 28 мај да ги објават списоците со фудбалери на кои сметаат за време на шампионатот. За разлика од Светското првенство во Германија пред две години, сега терминот е малку пролонгиран и имињата на фудбалерите што ќе настапат на првенството ќе бидат познати на точно десет пред неговиот почеток.

Секој селектор има право да вклучи 23 фудбалери во својот состав од кои тројца мора да бидат голмани.

Полска закажа трет тест пред стартот на ЕП

Полска ќе се сретне со Албанија на 27 мај во својот тренинг-камп во Германија и тоа ќе биде претпоследен тест за оваа селекција пред почетокот на Европското првенство. Само еден ден претходно Полјаците ќе играат против Македонија, исто така во Германија, а генералната проба за континенталниот шампионат ќе ја имаат на 1 јуни во Хорзов против Данска.

Полска се наоѓа во група со Германија, Австрија и Хрватска, а своите натпревари ќе ги играат во Клагенфурт и Виена.

Салцбург го решава проблемот со навивачите

Еден од градовите во кои ќе се играат натпревари од Европското првенство, Салцбург, во саботата го промовираше планот за транспорт на навивачите на репрезентациите што ќе играат таму. Во Салцбург ќе играат Грција, Шведска и Русија, натпреварите се на програмата на 10, 14 и 18 јуни, а организаторот планира посебни автобуски линии за секоја навивачка група со цел тие да не се среќаваат едни со други пред и по натпреварите.

Освен тоа, има 700 велосипеди за изнајмување со кои дел од навивачите ќе можат да патуваат од своите хотели до стадионите.

Познати имињата на судиите

УЕФА ги објави имињата на главните и помошните судии кои ќе ги водат натпреварите од Европското првенство во Австрија и Швајцарија. Одредени се 12 главни судии и 24 помошници, заедно со осум резервни судии, а на натпреварите сите официјални лица треба да бидат од иста држава.

Сите 44 судии ќе учествуваат од 14 до 17 април на семинар во хотелот Мевенпик во Регенсдорф, Швајцарија, каде ќе им бидат извршени и физички тестови и ќе добијат специјални инструкции за водење на натпреварите од првенството. Истиот хотел ќе биде база за судиите и од 3 јуни кога ќе биде собирот пред почетокот на Европското првенство. Оние што ќе останат до крајот на шампионатот, на 26 јуни се селат во Виена и ќе бидат сместени во хотелот Ренесенс.

95 ДЕНА ДО ЕУРО 2008

>>>>>>>>>>>>>>>
................

Ван Бастен треба да плати данок

Селекторот на холандската репрезентација, Марко ван Бастен, ќе мора да плати данок во висина од 7,2 милиони евра за приходите што ги заработил во Италија. Овие пари тој ги добил до 1997 година кога работел како рекламно лице во оваа земја, но подоцна не ги пријавил во даночната служба.

Кога дознал за оваа предуса, Ван Бастен прво најавил жалба, но потоа размислил и одлучил да ја плати сумата. Од овие 7,2 милиони евра, 4,12 се парите што требал да ги плати до 1997 година, 1,65 милиони се казни, а 1,44 камати. Претходно проблеми со данокот во Италија имаа уште Фабио Капело и Валентино Роси, но и тие ги платија парите што се бараа од нив.

Шаги ќе ја пее официјалната химна на ЕВРО

Јамајканско-американскиот пејач Шаги заедно со маскотите Трикс и Фликс ќе ја изведува официјалната химна на Европското првенство во Австрија и Швајцарија, а ќе го носи името "Како суперѕвезда". Снимањето ќе почне наскоро, а промоцијата ќе биде на почетокот на мај.

Како што велат организаторите, химната ќе биде од голема помош за кревање на атмосферата за време на првенството за кое планираат да биде една голема забава и спектакл за сите присутни. Шаги е позната реге-ѕвезда, позната по неговите светски хитови "Ох, Каролајна" и "Мистер бомбастик".

Заврши рокот за пријавување волонтери

Вчера заврши рокот за пријавување на волонтери за време на Европското првенство во Австрија и Швајцарија, а кој ќе ја добие честа да помага во организацијата на овој шампионат ќе биде познато во средината на април. Во истиот период ќе почне и програмата за обука на избраните волонтери и секој од нив ќе се подготвува за посебен сектор.

Сите волонтери ќе бидат поделени во 14 различни области, меѓу кои ќе има и возачи, логисти, асистенти на медиумите и екипи за прием и помош на репрезентациите со цел фудбалерите, стручните штабови, но и туристите навреме да бидат услужени.

Каморанези не го сака Касано

Фудбалерот на Јувентус, Мауро Каморанези, му порача на италијанскиот селектор Роберто Донадони да не го повика Антонио Касано за Европското првенство во Австрија и Швајцарија. Фудбалерот на Сампдорија во неделата повторно беше исклучен, а притоа имаше жестока расправија со главниот судија и му го фрли дресот во лице.

Токму таквото однесување на Касано, според Каморанези би можело комплетно да ја наруши атмосферата за време на шампионатот, па затоа е подобро Донадони воопшто да не смета на него.

Предмет: XX дена до Еуро 2008 Вто Мар 04, 2008 10:47 pm

Bravo za vas dvajca Administratori

Admin напиша:: За секој играч на ЕП по 4.000 евра на ден

За секој фудбалер што ќе настапи на Европското првенство во Австрија и Швајцарија клубовите ќе добијат компензација од УЕФА по 4.000 евра од ден, соопшти претседателот на Лион, Жан-Мишел Ола. Тој додаде дека оваа сума за следниот континентален шампионат ќе биде дополнително зголемена и ќе изнесува по 5.000 евра на ден.

Задоволство од ваквото решение изрази претседателот на Француската фудбалска федерација, Жан-Пјер Ескалет, кој рече дека Платини наскоро ќе му предложи на Сеп Блатер вакви компензации да има и на Светските првенства.

Супер премии

Е одлично кој ти дава 4 000 евра и да губиш пак ги земуваш парите Razz

Предмет: XX дена до Еуро 2008 Сре Мар 05, 2008 9:22 pm

Epa nikoj a na niv im davat i da gubat i da pobedat Very Happy

РФЕФ ги одложи претседателските избори

Фудбалската федерација на Шпанија (РФЕФ) соопшти дека ќе ги одложи изборите за нов претседател како резултат на притисоците на УЕФА. Европската фудбалска конфедерација се закани дека ќе забрани шпанската репрезентација да настапи на Европското првенство во Австрија и Швајцарија и ќе ги исфрли клубовите од оваа земја од меѓународните натпреварувања ако владата на таа земја се обиде да издејствува предвремени претседателски избори.

Како што е познато, ФИФА и УЕФА се против мешање на владите во работата на националните федерации и побара oд РФЕФ изборите да се одложат за 26 ноември.

Ван Марвијк дефинитивно наследник на Ван Бастен

Актуелниот тренер на Феенорд, Берт ван Марвијк, од 1 јули и официјално ќе го замени Марко ван Бастен на селекторската функција во репрезентацијата на Холандија. Ван Марвијк потпиша двегодишен договор со Фудбалската федерација на оваа земја со можност истиот да се продолжи ако биде остварен пласман на Светското првенство во Јужна Африка.

Сегашниот селектор на Холандија, Марко ван Бастен, ја врши оваа должност од 2004 година, а ќе си замине по завршувањето на Европското првенство во Австрија и Германија.

Денеска и утре, ждрепката за билети

Денеска и утре во сите земји-учеснички на Европското првенство во Австрија и Швајцарија ќе се одржи ждрепка за добивање на правата за откуп на билети за натпревароте од шампионатот. Сите досега пријавени апликанти на својот и-меил ќе добијат известување дали нивната пријава е добитна или не, а најсреќните ќе добијат натамошни инструкции.

Рокот за уплата на добитните пријави е три дена, а по обработката која ќе трае уште три, сите неуплатени и неисправени пријави ќе бидат дисквалификувани, па оние што се наоѓаат "под цртата" ќе добијат шанса за купување билети.

Лев ќе следи како тренираат фудбалерите

Селекторот на германската фудбалска репрезентација, Јоаким Лев, изјави дека фудбалерите што нема да тренираат сериозно нема да бидат повикани на Европското првенство. Тој ја потенцираше добрата форма на Томас Хицлшпергер и Марио Гомез, но додаде дека Давид Одонкор треба многу да работи за да го достигне нивото што ќе му овозможи настап на континенталниот шампионат.

Покрај ова, Лев додаде дека на контролните натпревари до првенството ќе добијат шанса голем број фудбалери, но само најдобро подготвените ќе ги повика во Австрија и Швајцарија.

92 ДЕНА ДО ЕВРО 2008..........

Според УБС, Чешка е новиот првак

Според истражувањата на аналитичарите од УБС, швајцарска компанија за финансиски услуги, новиот европски првак ќе биде репрезентацијата на Чешка. Автор на истражувањето е Андреас Хоферт, аналитичар на кого специјалност му се финансиските предвидувања и со слична експертиза пред две години погоди дека Италија ќе ја освои титулата на Мундијалот во Германија. Некои од параметрите според кои тој статистички го измерил најверојатниот победник на ЕВРО 2008 се резултатите на досегашните првенства, пазарната вредност на фудбалерите и формата на репрезентациите.

Муту во реално шоу

Фудбалерот на Фиорентина и на романската репрезентација Адриан Муту моментално е на поштеда откако ги повреди лигаментите на левото колено. Но тој ќе биде ѕвезда на реалното шоу "Феномено" кое ќе се прикажува на романската телевизија Канал Д.Шоуто се состои од тоа што Муту еден ден ќе биде пратен на кое било место каде што ќе отиде, а тој , неговото семејство, пријатели, соиграчи и сите што ќе ги сретне тој ден ќе бидат снимани со дванаесет камери. Емисијата ќе се прикажува три до четири пати неделно, а спонзорите за да го реализираат ова шоу издвоија дури три милиони евра.