XX дена до Еуро 2008

Донадони: Му се јавив и го известив Инзаги за одлуката

Селекторот на Италија, Роберто Донадони, на обвинувањата од Филипо Инзаги дека не му упатил ниту телефонски повик да го извести за одлуката дека нема да биде дел од репрезентацијата која ќе настапи на Европското првенство, изјави дека тоа го сторил.

"Му се јавив во понеделникот и му објаснив за причините за изборот, и технички и карактерно, при што потенцирав дека зад оваа одлука нема лични причини. Тој беше разочаран, но таквото однесување е сосема разбирливо, објасни Донадони.

Повредени двајца играчи на Швајцарија

Еден од домаќините на претстојното ЕП, Швајцарија остана без двајца стандардни членови на првата постава, кои отпаднаа поради повреда. Станува збор за голманот Фабио Колторти и напаѓачот Блаисе Нкуфо. Колторти, кој брани за Расинг Сантандер има потешка вироза поради која нема да биде во можност да тренира наредните неколку недели, додека Нкуфо се повреди на мечот за својот Твенте во дуелот со Ајакс. На нивните места се повикани 33-годишниот напаѓач Томас Хаберли од Јанг Бојс, кој зад себе има само еден натпревар за националниот тим, како и Елдин Јакуповиќ од Грасхоперс. Инаку, Швајцарија претходно остана без Ксавиер Маргараиз, додека членовите на првиот тим, Деген, Мањин, Џуру, Штрелер и Фрај играа малку оваа сезона поради константни повреди.

Ван Перси: Ќе бидам фит за ЕП

Еден од најталентираните холандски фудбалери, членот на Арсенал, Робин Ван Перси, изјави оти верува дека ќе биде подготвен за настап на претстојното ЕП, иако можеби нема да биде во најдобра форма со оглед на бројните повреди кои го следеа во последно време. Селекторот Ван Бастен допрва треба да излезе со финалниот список, а постојат мислења дека Ван Перси не треба да биде дел од него, поради бројните повреди последниве години, вклучувајќи ја и онаа поради која во моментов не игра.

Евроспкото ПРвенство започна темата е за под клуч мислам

Ах модератори и админи не си ја вршите работата на време

Темата ја заклучувам и е во Рисајкл Бин!