XX дена до Еуро 2008

Навивачите во Австрија се подготвуваат за дебакл

Во Австрија се посериозно се обидуваат да ги подготват навивачите за раната елиминација на нивниот национален тим од Европското првенство. Домаќините планираат дури да организираат специјален курс, па така фановите да бидат што е можно поподготвени за ипаѓањето на фудбалерите на нивната земја. Семинарот ќе биде на тема "Како да реагирам при пораз и победа на мојата фудбалска репрезентација", а ќе ги води психологот Хенриете Вурсаг. Тој ќе го обучува народот како од пораз од 1:0, да направат голема победа во нивните души.

Напомош полицајци од Франција и Германија

Француските и германските полицајци ќе им помагаат на своите швајцарски колеги во спроведување на редот за време на европското првенство кое во јуни ќе се одржи во Австрија и Швајцарија. Полицајците од Франција ќе бидат сместени во Женева, каде што се зборува на француски јазик, а германските ќе бидат во Базел и Цирих, бидејќи таму се зборува германски. Од Швајцарските власти не ја казуваат точната бројка на полицајци кои ќе им дојдат на помош, но се предпоставува дека ќе има 4500 од Германија и околу 750 полицајци од Франција.

Хрватските навивачи обединети на ЕП

Со "Ватренко", крила и староримското мото "Сенпер фиделис" кое значи "Заекогаш верни" се новите симболи кои ќе го обележуваат националниот идентитет на навивачите на "коцкастите". Маскотата "Ватренко" ја претставува револуционерната ФФХ и со неа планираат да направат "бум" на пазарот, крилата претставуваат дека сите треба да се обединат во дресот на "коцкастите", а слоганот "Сенпер фиделис" под кој во времето на стариот Рим се собирале царските легионери. Со ова Хравтите ќе се претстават на Европското првенство и на интерент страната највавуаат дека најголемите навивачки ривали "Торцида" и "БББ" заедно ќе го подржуваат националниот тим.

Аквафреска можеби ќе игра за Полска

Селекторот на Полска, Лео Бенхакер се надева дека на Европското првенство ќе го има на располагање и фудбалерот на Каљари, Роберто Аквафреска. Напаѓачот би можел да им биде на располагање на Полјаците преку својата мајка која е родена во оваа земја, но 1978 година отишла на работа во Италија и останала таму откако нешто подоцна се омажила.

Аквафреска е еден од најголемите таленти во Серија "А", има само 20 години, а со "аѕурите" ги помина сите возрасни категории се до ланското деби во селекцијата до 21 година под водство на Пјерлуиџи Казираги. Во разговор за полските медиуми, Аквафреска изјавил дека е "поласкан" и дека "ќе ја донесе одлуката во најкраток можен рок".

Италија против Белгија во мај

Светскиот шампион Италија ќе игра пријателски натпревар против Белгија како дел од подготовките за ЕУРО 2008. Домаќин на дуелот ќе бидат "аѕурите" и тоа на Артемио Франки во Фиренца и тоа на 30 мај.

Другата "контрола" пред ЕУРО Италија ќе ја одигра на 26 март против селекцијата на Шпанија.

Нецер: Германија игра многу послабо

Поранешниот германски репрезентативец Гинтер Нецер чувствува дека "панцирите" направиле чекор наназад во споредба со Светското првенство во 2006 година. Тој го предупреди германскиот народ да не очекува многу од националниот тим на ЕУРО 2008 каде ќе стартува како еден од фаворитите.

"Игрите на репрезентацијата не се на исто ниво како лани и мислам дека ни треба многу повеќе од последните неколку натпревари. Германија секогаш е фаворит на вакви натпреварувања, меѓутоа второто место во групата е доказ дека нешто треба да се смени", смета Нецер.

81 ДЕНА ДО ЕУРО 2008

Јакинта го потсетува Донадони

Напаѓачот на Јувентус се надева дека ќе добие повик од селекторот на Италија, Роберто Донадони, за настап на Европското првенство кое ќе се одржи ова лето во Австрија и Швајцарија.

"Сакам да го потсетам Донадони дека дефинитивно сакам да бидам во тимот на 'азурите' кој ќе патува на ЕП. Донадони знае што чувствувам за мојата земја и колку сум подготвен да дадам с$ од себе, иако не сум стадарден во Јувентус, но токму последниот гол за мојот тим ќе биде добра порака за него", изјави Јакинта.

Децата од Кагелфурт навиваат за Романија

Во март и април ќе има размена на деца од Австрија и Романија кои ќе бидат дел од проектот на УЕФА во кој ќе се учат културите на двете земји. Децата од Кагелфурт ќе заминат кај своите врсници во Романија и тие најавија дека во текот на Европското првенство покрај тоа што ќе навиваат за својата земја, ќе ги поддржат и фудбалерите на Романија, кои исто така ќе бидат дел од Европското првенство. Репрезентацијата на Романија е во групата "Ц" заедно со Холандија, Франција и Италија.

Торес ќе ја покаже неговата вредност на ЕП

Најдобриот стрелец на Ливерпул, Фернандо Торес, на претстојното Европско првенство ќе ја покаже неговата права вредност во дресот на Шпанија. Од него се очекува да биде лидер на репрезентацијата и Шпанија да биде најголем фаворит за пехарот. Младиот напаѓач своето деби за "Црвената фурија" го имаше во 2003 година против Португалија. Тој досега има 47 настапи за националниот дрес и има 15 постигнати погодоци, а, пак, за Ливерпу на 27 првенствени натпревари даде 20 гола.

80 ДЕНА ДО ЕУРО 2008

Арагонес го изостави Раул

Според шпанските медиуми, селекторот Арагонес повторно ќе го изостави од списокот фудбалерот на Реал Мадрид, Раул, за пријателската средба со Италија, која ќе се одигра на 26 март. Во медиумите се шпекулира дека тој ќе ги повика напаѓачите Торес, Давид Виља и Гуиза, па така што нема да има место во составот за ветеранот. Арагонес потврди дека на Раул ќе му биде премногу тешко да се врати во репрезентацијата бидејќи има премногу голема конкуренција во навалната линија и сите напаѓачи се далеку помлади од него.

ХНС ќе му понуди нов договор на Билиќ

Секретарот на ХНС, Зорислав Сребриќ, најави дека до крајот на наделата

ќе има нов круг преговори со сегашниот селектор. Но не откриваат дали ќе имаат доволно финансиски средства за да ја победат понудата на Хамбургер, кој сака Билиќ да биде нивни тренер. По точно четири месеци откако ги одведе "коцкастите" на ЕП 2008, никој од федерацијата не му понуди нов договор, но сега кога повеќе клубови од Европа се заинтересирани за неговите услуги од Хрватската фудбалска федерација ќе направат с$ тој и понатаму да остане на челото на националниот тим.

Аршавин надвор од репрезентацијата

Селекторот на Русија, Гус Хидинк, не го повика капитенот Андреј Аршавин за пријателската средба која наредната среда ќе ја одиграат во Букурешт со Романија. Аршавин не настапи на последната средба од квалификациите против Андора, а најверојатно ќе ги пропушти и првите две средби од Групата "Д" со Шпанија и Грција.

Играчот на Зенит беше прогласен за најдобар фудбалер во Русија за минатата година. Хидинк на негово место ќе го повика фудбалерот на Спортинг, Марат Исмаилов, кој првпат по 18.месеци ќе се врати во националниот тим.

Кранкл: Потребна е среќа за наредната фаза

Според поранешниот селектор на Австрија, Ханс Кранкл, неговата земја ќе треба да има премногу среќа за да ја помине групата.

"Секогаш има шанса со малку повеќе среќа да се оствари победа на првата средба, тогаш би можеле да се пласираме во наредната фаза. Но да бидеме реални ако ја поминат фазата од групите тоа ќе биде одличен успех", изјави Кранкл, кој го предводеше националниот тим на Австрија од 2002 до 2005 година.

Австрија, која е домаќин на ЕП заедно со Швајцарија, е во групата "Б" заедно со Германија, Хрватска и Полска.

Брикнер си заминува по ЕП

Селекторот на Чешка, Карел Брикнер (68) соопшти дека по завршувањето на Европското првенство ќе се повлече од функцијата, без оглед на резултатот кој ќе го постигне неговата селекција. Тој е на кормилото на Чешка од 2002 година, а пред тоа три години ја предводеше младата репрезентација.

"Со тренерската работа се занимавам 34 години и мислам дека е време да се посветам на некоја порелаксирана работа, кој ќе биде одлична за луѓе како во моите години" изјви селекторот Брикнер.

Канаваро ја сака европската круна

Капитенот на Италија, Фабио Канаваро верува дека ова лето можат да дојдат и до европската титула. Ако се случи тоа Италијаните на титулата од светското првенство од 2006 година ќе ја додадат и европската круна, со што би го повториле успехот на Франција.

"Ако отидеме на ЕП без поголема еуфорија, скромни и одлично ги искористиме нашите квалитети, верувам дека можеме да стигеме до крајот. Треба да го следиме примерот на Франција кога успеаа да ги соеднинат двете титули" рече Канаваро.

Италија на ЕП се наоѓа во "групата на смртта" заедно со Франција, Холандија и Романија.

Хидинк ќе го продолжи договорот

Холандскиот тренер на кормилото на Русија, Гус Хидинк ќе продолжи да ја води репрезентацијата и понатаму. Според информациите од Руските медиуми тој ќе го потпише новиот договор на 24. март пред пријателската со Романија.

"Овие денови ќе се сретнеме со Хидинк да ги договориме сите детали за новиот договор, па без проблем тој понатаму ќе биде на челото на нашиот национален тим" соопшти претседателот на РФС, Витали Мутко.

Стопирани преговорите со Донадони

Светскиот шампион Италија нема да биде воден од Роберто Донадони на почетокот од квалификациите за мундијалот во Јужна Африка. Претседателот на Италијанската фудбалска федерација, Џанкарло Абете соопшти дека разговорите за пролжување на договорот ќе започнат во јули, само ако "азурите" стигнат минимум до полуфиналето на Европското првенстово во Австрија и Швајцарија

Билиќ негира дека потпишал со ХСВ

Селекторот на Хрватска, Славен Билиќ ги отфрли сите шпекулации дека по завршувањето на ЕП ќе седне на клупата на Хамбургер.

"Незнам од каде тие информации дека ќе заминам за Германија. Јас с$ уште нема потпишано нов договор со ХНС, бидејќи тие ми немаат понудено. Кога ќе ја добијам понудата без поголеми ќе го ставам мојот потпис. Мене ми е голема чест што сум на кормилот на Хрватска и сакам и понатаму да останам" изјави Славен Билиќ.

Одложено дебито на Валбуена за Франција

Одбранбениот фудбалер на Марсеј, Матје Валбуена откако се повреди на натпреварот со Сошо, отпадна до составот на Франција за пријателската средба со Англија. Сепак, тој ќе почека малку за своето деби во дресот на "триколорите" бидејќи две недели ќе биде надвор од терените. Селекторот Доменеш го повика Валбуена заедно со Бодмер да настапат на пријателската средба со "Гордиот албион", но затоа Валбуена ќе биде подготвен за настап ова лето на Европското првенство